إتصل بنا اخبار الحزب  |  شهداء الحزب  |  الحزب بالصور  |  نشاطات إغترابية  |  من تاريخنا  
 

‏يا شام دخلك ما تنحني

راجي سعد

نسخة للطباعة 2012-03-24

الارشيف

يا شام دخلك ما تنحني، العراق انحنى وشفنا شو صار بهل الدني

باسم الديمقراطية قسمتوا العراق وزرعتوا بارضو مشاريع مصهيني

باسم الحرية استعبدتوا العباد ويتمتوا الطفالة وسرقتوا عهد الولدني

وعدتوا بحضارة وازدهار ما شفنا منها غير الدمار وكهربا مقنني

بغداد صارت مكللي بالسواد والحَمار وبيوتها لاصحابها مسجني

بين حي وحي بنيت سوار وبشوارعها زرعتوا شظايا مفتني

الفالوجة شاهدة عل الدمار واطفالها تشوهوا بسموم مسرطني

خليت الارامل تبكي ع الرجال وبين الاخوة خلقتوا حراب مسنني

بين المذاهب قسمتوا البلاد وكملتوا عليها بتعريب وتكريد وسريني

والجيران كشوا عن الانياب وعى دجلة وفراتوا عملوا سدود مطيني

ارض الخصب غطتها الرمال، ومن القحل غطوا النخل بالمكفني

لتخلصوا من دكتاتور خلصتوا عل العراق وعملتوا من شعبوا مدخني

يا شام دخلك ما تنحني، العراق انحنى وشفنا شو صار بهل الدني

طائفية قاحلة ما تركت الا يباس وع الشام عم تمتد بديمقراطية مزيني

ولكُم حمار جدي لمن بحفرة وقع ، ثاني مرة عنها حاد بغريزة مفطني

ما تسيروا باصولية اوباش، بالتكفير لح يعملوا من سوريا مدفني

ما تمشوا ورى الضغينة والاحقاد وسيروا بحوار شعوب مدني

لا تستوردو مشاريع وافكار اللي كلها غايات ومرامات مبطني

الاصلاح واجب ليمحي عهود الفساد، ويلغي طائفية مسلطني

الاصلاح واجب بديمقراطية اصيلة بتاريخ سوريا مخزني

سيروا باصالة شعب وتراث، حضارتوا من قبل التاريخ مكوني

بصور انتخبنا اول ملك ومن خيرها وجمالها منستمد الشرعني

بين الدين والدولة اعلنوا الطلاق وسيروا لنبني دولة مدني

اللي بالسما خلوا بالسما وعل الارض نفذوا وصايا العلمني

يا شام دخلك ما تنحني، وتيتمي اجيال ما اجت ع الدني

يا شام دخلك ما تسلمي وع فلسطين ارفعي صوت الماذني

يا شام دخلك ع جريك وقفي ومع العراق غيرو وج هل الدني


 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2017