ما كِلّْنا مْنَعْرِف إنتاج وإنتاجات ومنتجات وإبداعات .....
المجلس النيابيّ اللبنانيّ الحَيّ المْهَفْهَفْ المْوَقّرْ .....
والمْدَلَّلْ المْهَرْهَرْ ألمْخَلْخَلْ والمْفَرْفَرْ .....
وْيَللّي 80% من نُوّابْنا الأكابِرْ مشّْ معروفِينْ ....
وما بيعرفو كوعْهُمْ من حَيْط الكَرْم .....
وبس ماشاءلله الجُوَرْ مْغَمّقِيْنْ وبالطُرْقات مْحَفْتَرِيْنْ ....
والكهربا والمايّ عَطُوْل مقطوعِين ....
و 98% مِنُّنْ طائفيِّيْن مْخضّْرَمِيْن مْقَطّْعِيْنْ ومْوَصّْلِيْنْ ......
وْيَللّي مِنُّنْ مسافريْن ..... مْبَعّْدِيْنْ ومْعَطّْلِيْنْ ....
ومِنُّنْ مجرمين مْعَتّقِيْنْ ..... بْحَقّ الإنْسانِيّه والدِيْنْ .....
تا يْشَرّْعوْلْنا قانون مِهْتِرِيْ من هون ...
ومِنّْ هُوْنِيْك كمان أكثر قوانين .... وكمان مِهْتْرِيِّيْنْ....
وما بِخَلّوْ برنامج تلفزيونيْ من شَرُّنْ .....
تا يْعلّموْنا كيف نْنِقّْ ونْعِنّ ...
ونِسمعْ مِنُّنْ كيف الطائفيّه بِتْرِنّ !!
وْشُوْ المِشِكْلِهْ مَعُنْ ...؟؟ ؟؟
مَدَّدُوْلُنْ لَيِتْمَدَّدُوْ ......
إيْهْ أكيدْ أكيدْ ... ما بْيِلْبَقْلُنْ يِتْدَلّلُوْ ......!!!
|