إتصل بنا اخبار الحزب  |  شهداء الحزب  |  الحزب بالصور  |  نشاطات إغترابية  |  من تاريخنا  
 

مناجاة للأول من آذار

أحمد أصفهاني

نسخة للطباعة 2018-03-10

إقرأ ايضاً


بِكل عتمة ليل عم استرجعك

ومع كل ضو نهار عم استرجعك.

ولمّا بكون لوحدي معك،

بغلق عَ حالي الباب

بشيل الوساوس كلها

وبحجب عن عيوني البشر،

تَ إسمعك

وبصير بدّي إسألك

لكن… آخ لو فيي إسألك!

بخاف إني إجرحك

بخاف من بسمتك

من عقدة جبينك

من مهابة نظرتك

بخجل من الدم يلي كلّلك

بخجل من شموع عَ دروب الفِدى

رفاق ما هابوا الردى

ضمّوك ب قلوبهم آيات

وبعيونهم أنوار من مشعلك

عَ طريق الجلجلة تمرمروا

عَ العهد هني بـِ موكبك

لا بدّلوا ولا غيّروا

***

بيخطر عَ بالي إسألك

إسمعك

إتلمسك!

بتشردق على غصة بعد غصة

بتلحف عتمة الليل… وبناشدك:

الموت ما بيركع إلا إلك،

والعز ما بيلبق إلا إلك،

والمجد ما بيكبر إلا معك…

 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2018