إتصل بنا مختارات صحفية  |  تقارير  |  اعرف عدوك  |  ابحاث ودراسات   اصدارات  
 

موشحة بزهـر النار

نضال القادري

نسخة للطباعة 2006-12-17

إقرأ ايضاً


* كتبت هذه القصيدة باللغة التي يحبها شاعر النهضة الكبير الأستاذ خالد زهـر. الراحل الذي ترجل من صراع الوجود إلى نزهة الوجود على غفلة منا. خالد!! لك من القلب تحيتي الماطرة، ومنا أكثر من ألف ألف سلام.

(في ناس خلقوا وبعد، ما خلقوا / وفي ناس ماتوا وبعد، ما ماتوا). اليوم: في زهر فتّح وبعد ما فتّح، وزهر فتّح ومش رح يموت.



طاب العسل من تم الصبية

ترندح لعرزالك بكانون وما أصعب الشتويه!!

وين شلحتها؟ وين شلحتها؟

مكسرة غصونك ع غدرات الزمان

وع غيباتك.. ما أصعب الغيبات

يا زهر.. يا دهر..

تفتحوا أسرار النار

شلة عبيد صغار

حفروا على باب القلب بير كبير

حرقوا حقول القمح

وشجرة الميلاد

وسكروا بواب السما بمفتاح

ويسوع:

خمر، وعبيد، وسكرجيي

وتفاح:

أحمر وأصفر وأبرص

وبلد عم تاكلوا الطائفيه!!!


*** *** ***


اشتاقت صبية لطلاتك بليلة عيد

وين شلحتها؟ وين شلحتها؟

زوبعة موشحة بزهر النار

تصدح بصوتك الهدار ليل نهار

بدنا نكبر الإعصار

ونجمع الزفات للعرس الكبير!!!

الزوبعة موشحة بزهر النار

وزغاليل ترقص من وجعها

وين شلحتها؟ وين شلحتها؟

وإنت بتعرف وجعها وساكت من سنييـن

يا خالد ما أصعب الوجع المخبى

وليمون حيفا اللي انسرق

متل صوتك، متل موتك اتخبى

جبان الموت يا رفيق الهوايه

وجبان الشعر من بعدك

و"عكـروت"

يا خالد، الموت ما بيموت

ونحنا أكبر من الموت

مش زوبعة بفنجان

"عكـروت" الموت ما بيموت/

نحنا الخصب،

نحنا النحل،

نحنا القضية،

نحنا الهلال،

والزهر ع شفا ف خالد يرقص للصبية

ناطرينك كل يوم يا خالد

وما أصعب الشتويه!!!

 
شبكة المعلومات السورية القومية الاجتماعية غير مسؤولة عن النص ومضمونه، وهو لا يعبّر إلا عن وجهة نظر كاتبه
جميع الحقوق محفوظة © 2024